是我太抽離嗎?

的而且確, 有時請度他人是陰謀論的同時, 自己是好似在發表緊陰謀論........
用道德來批評一本便利的事件, 又好似忘記我們大眾(尤其係有賣, 有買, 有看, 甚至有寫BLOG的) 都或許有點兒道德問題.......
是太抽離/太投入嗎.....? 甚至變成雞同蛋的問題來討論.....

其實只要大家真心批評/討論(唔係陰謀論個隻), 相信已經順手批評/警告左自己大眾唔應該再看這些雜誌啦.... 不用太言重........

陰謀論 - 再談談一本便利

還以為對一本便利的聲討是公民, 道德教育的一部分
還以為對一本便利的聲討是對攬用新聞自由的傳媒的一種公眾審判, (我同意港燦所言這是有點兒暴力的)
太多的陰謀論, 例如說成"有咁既讀者才有咁既雜誌", 東集團的窮追猛打是為了佔便宜, 演藝人協會的大細超有背後動機, 肥佬黎是因銷量而不會認錯或者改編採方針....等等

或許每一個延伸出來的論點都是對的, 但以我們的知慧是不能正確判斷這些陰謀論是否正確

或許陰謀論是可以用作淡化事件的嚴重性或求情的, 令人慢慢忘記事件的原本版本
或許是我過慮, 擔心的是大家會因陰謀論的觀點而默默(慢慢)接受了這件的事件是可以原諒的......

其實只要正式收回已發行的"便利" 和暫時停刊一段時間 (美其名係檢討編採方針)...... 好多人都會因為你以正視聽而不會窮追猛打...... 到時才會突顯出東集團的暴行....

延伸閱讀 :

偷拍阿嬌的幾個隨想
不消費就可以了
九九九誰是兇手
Tungpo : 二級不雅
壹級刊物

香港家書 － 失望

"行政長官曾蔭權在香港電台香港家書節目上表示,相信務實的態度,有助解決政治分歧"　
特首，對不起，聽到新聞，聽到你又用甚麼甚麼態度去解決甚麼分歧，聽極都唔明，重有Ｄ唔舒服．．．
－究你所指大家的分歧係甚麼？
－你所指”大家的分歧”中的”大家”又係指誰呀？只係你同中央政府？保皇黨？有冇泛民同全港市民？
－我完唔明你想去解決的是甚麼？莫非你的所謂解決就等於你話點就點？
不要再定期發表這樣的言論啦，拿些實際的資詢／政策出來再慢慢解釋啦！
單方面發表要用一個你認為”務實的態度有助解決政治分歧”，會唔會真係解決到呀，真係令人擔心．．．
經驗話比我地聽，一係就真的解決／協商問題，一係就永遠避咗個問題，冇人會好似你敢耐不耐講Ｄ無謂嘢呢刺激人架．．．
最後，請考慮取消”香港家書”這類節目啦，我都知立法會係好政治化，但係你都唔駛連記者／主持人的提問都驚嗎．．．？　

失望 - 一本便利

一本便利一錯再錯加印事件似乎話比我地聽, 有些人真係要鬧(甚至被人告)先反省!
你們一班攬用新聞自由, 侵犯他人私隱的傢伙,我看你們不起

似乎這本雜誌又會好似以前東周刊般停刊一段時間等人地失憶

請你考慮永久停刊啦, 唔好再遺害人間! 香港有你地!下一代唔會有好日子過!

缺乏信任 - 失望

今日有位比較低級的組員, 唔知做乜, 叫佢做野永遠做一半!
到問佢點解爭一半, 佢就即刻(半秒之內, 條件反射個隻)回答, "我依家即刻做番!",
你依家即係玩野呀!擺明要我知道你係冇能力自立啦, 永遠都要我地去QA你啦!

我想話你聽, 你敢做會令大家對你愈來愈缺乏信任, 以後唔會再信你係有質素同比你單獨做野啦.
如果你唔變, 好快你就會準備被比你更低級的同事取代

希望你花D時間同心機在你的工作前途上啦 (失望!)

一蟹不如一蟹

常常聽到老人家講這句"一蟹不如一蟹"....60歲的同40歲講, 40歲的同30歲講, 30歲的同10-20歲講, 係97年回歸令香港失去方向? 係英式(肥彭)好過中式(老董)? 姑且不談論政治方面.....

對我的觀察而言...."一蟹不如一蟹"只係適用於後輩未學滿師就要做師傅的情況.....

而事實上,呢個情況又常常發生（香港近呢二十年太容易搵錢啦，又係托英國人之福),師傅時常被挖角移民,轉行抄樓抄股，後輩未學滿師就要先扮做師傅的情況亦係司空見慣再加上一招外判.....合約員工一兩年清換一次(又係減省成本),以前的才藝武藝都幾近失傳

將責任推落後輩,未免有少許五十步笑百步,需知道講呢句話的人都會唔智有冇之前的一半....

情況持續，一個結構性的問題會慢慢產生..... 公司盛世　－＞　有料高層走人 -> 冇料高層令有料中基層走人　－＞　業績慢慢退步 -> 公司倒閉

結構性的問題需結構性的方法解決（無捷徑的）,　在此介紹我們(後輩）可以做的一步
1.　細心觀察前輩所做的一切，包括　Why, Where, Who, When, What, How　

2.　隨時有升職的準備，　尤其在學歷（如果唔夠就無機會）和溝通方面（就算冇料都吹得）

3.　多些和知心朋友（唔係虛偽同事）交流彼此優缺點，加強觀察力和分辯是非能力

4.　要留意有（冇）料高層的變動，勢色不對的時候要識閃，無謂令公司在自己身上退步而染上”一蟹不如一蟹”的污名

至於老闆可以做的．．．．我講吓就無所謂（因我唔係老闆，而佢亦唔會做）．．．例：任用賢慧，清除於血，取消無謂合約制，給予合理培訓回報留有料員工　等

最後在此忠告各位老鬼唔好再隨便用”一蟹不如一蟹”一詞啦　

男主外, 女主內

不然想起現時的香港,重有幾多couple會”男主外, 女主內”.

大男人的我(我認架 :-p) 當然會以此為目標, 愛老婆嗎… 不過都係要符合以下條件先考慮:

1. 收入要極之穩定又夠自己及老婆洗, 否則遲早變成負資產或綜緩戶 (男主內, 女主內)

2. 老婆有正常嗜好打發時間, 唔會變成大食懶, 疑神疑鬼, 或染上不良嗜好…. (她們的時間實在太多啦…)

3. 老婆要是小女人, 唔會事事話哂事(大女人!), 現時香港的工作的壓力已經夠大啦…..

4. 要準備她在工作上會漸漸脫離現實….. 不夠與時病進……遲D重會用’想當年’的口吻同你討論….

5. 要準備在工作上的challenger spirit要慢慢減低….. 因轉工調職已多了一層顧慮

6. 要準備在社交的圈子會慢慢縮細….. 因你的工餘時間已變成她的寶貴時間 …… 而她的社交的圈子會漸漸擴大…..因她的時間實在太多

(以上comment 是以我現時不想生bb的狀態而寫的…..唔好鬧我呀!)
以上除了 2 之外, 我都係未準備好. 辛苦你啦 老婆大人…. :~)

回顧從前 展望將來

朋友,

你好, 歡迎參觀我的blog. 非常高興可以在網絡世界和大家交流, 回顧從前, 分享對職業/家庭/時事……的意見

如果大家有興趣/時間, 歡迎大家Leave Comment, 交換意見, 做個朋友

多謝大家的寶貴時間